الرقائق المشبعه
الفرق بين رقائق الخبز المشبعة وأنواع العيش المختلفة.
كالعادة كل يوم بتطلع موضة جديدة للدايت والناس دايما بتتخيل ان اى حاجه جديدة هى الاختيار الصحي و بياكلوها و هما مطمنين
رقائق الخبز المشبعة من الحاجات دي عشان كده لازم نعرف هي فعلا اختيار أفضل و ملائمة لبرنامج غذائي هدفه تقليل السعرات الحرارية و لا لأ؟!.
-رقائق الخبز المشبعة فيها كالوريز أكتر من كل أنواع العيش تقريبا سواء (دقيق كامل، حبوب متنوعة، توست أبيض)!. النسبة فيها أكتر ب ٥٠٪ من أي نوع عيش.
-رقائق الخبز المشبعة فيها دهون كتير! حوالي ١٢٪ ودي نسبة كبيرة جداً.
-الرقائق مشبعة مش عشان فيها بروتين كتير وأنما عشان الدهون اللي فيها بتلكم.
-الميزة الوحيدة فيها عن أنواع العيش المختلفة هي نسبة الصوديوم الأقل.
-مفيهاش فرق كبير في المغذيات عن العيش البلدي وعيش الحبوب الكاملة.
-الرقائق اللي في السوق طعمها مش حلو، اللي بتتعمل في البيت أفضل.
السعر مقابل الفايدة:
عبوة الرقائق المشبعة 100 جرام سعرها 30 جنية.
عبوة التوست الحبوب المتنوعة 500 جرام 18 جنية.
رغيف العيش البلد الصغير حوالي 80 جرام 50 قرش.
السعرات:
الرقائق
شريحة التوست 30 جرام فيها 76 كالوري
نص الرغيف البلدي الصغير 45 جرام فيه 90 كالوري
(راجعوا الصور فى التعليقات)
النصيحة:
كلوا عيش بلدي، ومش أي حاجة يكون مكتوب عليها لايت أو مشبعة حتكون الاختيار المغذي واللي بيخسس فعلاً.
وبالنسبة للأطفال توست الحبوب المتنوعة في الساندوتش اختيار مناسب وموجود كما في الأفران بسعر أرخص