الكافين

هو خليط من كلورويد الصوديوم وكلورويد البوتاسيوم ومدعم باليود
– طيب حلو ده يا مي م نستخدم بقى 
نستخدمه.. بس قبل ما نستخدمه 
أولًا هو طعمه مش أحلى حاجة في الكون (ده مش سبب مهم أوي)
السؤال المهم هو إحنا ليه عايزين نستخدمه؟
عشان نقلل استهلاك الصوديوم المتهم الأساسي في الإصابة بارتفاع ضغط الدم.
 لكن لازم تكونوا عارفين إن معظم الصوديوم المستهلك بيجي من الأغذية المصنعة.. اللانشون والبلوبيف والبرجر وبقية اللحوم المصنعة، الشيبسي، الوجبات السريعة بما فيها البيتزا…
فقبل ما تغير الملح اللي جوا الملاحة لازم تغير نمطك الغذائي ويكون للخضار والفاكهة دور البطولة في يومك (سبانخ، بطاطا، كانتلوب، موز، افوكادو) كلهم أكلات غنية بالبوتاسيوم، والصوديوم فيها قليل أوي.

لازم ناخد بالنا إن في ناس مينفعش يغيروا وياخدوا ملح بوتاسيوم من غير استشارة طبيب 
 مرضى الكلى.
 مرضى السكر.
 الناس اللي بتاخد مدر للبول.
 الناس اللي بتاخد أدوية ضغط (أيوه زمبؤلك كدة أدوية ضغط )
 الناس اللي بتسف بروفين وبتاخده روتين
(اللي فوق دول لازم يستشيروا طبيب قبل ما ياخدوا ملح البوتاسيوم عشان الأمراض والأدوية دي بتأثر على مستويات البوتاسيوم وممكن تتعارض مع ملح البوتاسيوم، وبالمناسبة زيادة البوتاسيوم في الدم قاتلة )

أقولكم مفاجأة اقفل بيها البوست ونرغي عنها في وقت تاني؟
#الملح_الصيني (#MSG) فيه صوديوم حوالي 12% بس ويعتبر بديل أكثر صحية لإن الصوديوم تقريبًا 66% أقل من الملح العادي.

#مي_ناصر 
#يوميات_طبيبة_تغذية