بدائل_اللبن
#لبن_اللوز
مصنوع من لوز ومياه مفلترة
غني بفيتامين (هـ) ومضادات الأكسدة
البروتين فيه قليل
طعمه مكسرات شوية nutty taste وعشان خفيف فمش بيكسر طعم القهوة.. مينفعش للناس اللي عندهم حساسية من المكسرات.
لو غير محلى فهو النشويات اللي فيه قليلة جدا وكمان الكالوريز بتاعته قليلة..
ممكن نص كوب متكسرش الصيام المتقطع
بالنسبالي بديل ممتاز للناس اللي بتشرب لبن كتير، واحد من أحسن البدائل في الكيتو واللو كارب.
أرشحه بقوة لمرضى تكيس المبايض.
#لبن_جوزالهند
طعمه لطيف جدًا وأمان لو بتعاني من حساسية من المكسرات.
مافيهوش بروتين خالص لكن برضه كالوريز قليلة وممكن تلت كوب ما يكسرش الصيام المتقطع.
الدهون اللي فيه مفيدة جدا للجسم وبتحسن الكوليسترول النافع.
قوامه كريمي ف لطيف مع القهوة.
طبعا بديل عظيم برضه في الكيتو واللو كارب ومرضى تكيس المبايض.
تلت كوب ميكسرش الصيام.
ملحوظة مهمة جدا: أنا بكلم عن لبن مش اللي في كان الصفيح لأن ده الكوب منه فيه 445 كالوري عشان مفيهوش مياه خااااالص فخدوا بالكم.
#لبن_الصويا
أقرب لبن من حيث العناصر الغذائية والكالوريز للحليب خالي الدسم.
مصدر غني للبروتين والنشويات.
لكن يتاخد بكميات محدودة في اللوكارب ومينفعش طبعا في الكيتو وطبعا مينفعش وقت الصيام.
ده أهم بدائل اللبن..
التلات أنواع طبعًا ينفعوا للنظام النباتي وينفعوا لمرضى عدم تحمل اللاكتوز ومرضى حساسية الألبان.
(حكتب بوست عن أنواع اللبن العادي والخناقة بتاعت خالي ولا كامل.. وليه اللبن الخالي من اللاكتوز مينفعش في الكيتو)
